Saturday, December 20, 2014

Letters to EWave: "Palangay sin Dayahan Mataas in Da-han pa Miskin"

TRUE STORY: "Palangay sin Dayahan Mataas in Da-han pa Miskin"

story by: Morning Flower
edited by: the EWave Team


Ha Manila sin Tahun 2009, nakalandu' in sigpit ku, amun pag iyanun in siyn hanggatus pilak patatasun misan hangkapitu. Sa' in di' hikatatas amun hipag sukay daying ha DasmariƱas Cavite harap madtu pa Ofis sin agency namu'...

Ha waktu yadtu waypa pangirab ku sin manga social networking yan, halung bahalung aku sambat sin magpamung.

Tiyahanan ku in katan, in hapdi' iban pasu' hasupaya sadja aku makatulak mari pa Saudi mangusaha.

Hambuuk adlaw tiyugun kami sin ha agency pakadtuun pa ofis sabab kunu' magkawa' NBI. In tiyugun duwa kami iban sin hambuuk applicant iban kura daying ha sug.

Mataud siyn niya, mahayang in kabuhi' niya ha Manila, hawpu'un tana sadja miyanaw na kami pa ofis iban kapag iyan niya siya na in magsukay kaku'.

Nakalandu' in kug ku sabab di'na karagdagan in siyn gigimut ku!

Aykaw na'a masuuk mayan kami pa Baclaran nakatabuk aku TEXT daying ha iban ku, miyukal in dugu' ku pagbassa ku sin text niya, sa' nag istigfar aku! Ya Allah mayta' niya aku kiyabissarahan sin di' mapatut sin way aku nag unu kaniya.

In halawm sin text niya "Kiyugan tuud dang in samal kangug ini nakakita' siyn ku mataud yarina nagpalibre sukay kaku' in luwa'an ini kangug ini!! Bang sadja bukun aku maulung di' ku tuud librehun in binatang ini! "

Apit aku laung makatangis, nangandu'-ngandu' aku pa ginhawa ku...

Bihadtu tuwi' in miskin pagpamung mungun sin awn alta'!

Nagtext aku kaniya balik sin di' na aku magpalibre kaniya! Nagtext aku kaniya sin magsukul kiyahatihan ku in addat niya!

Ampa ku diyuhal in sukay ku pa kungduktul sin jeep, nimaug aku nag us-us ganta' sumakat na jeep harap pa Mabini...

Iyapas niya aku iyasubu niya aku bang mayta' bihadtu in kulibahasa ku. Nakalandu' na in astul ku kaniya.. Mag apas siya kaku' halawm Manila wayra pakialam ku misan da siya madugtul sin jeep. Iyaasubu niya aku bang unu in kimugdan kaku'.

Di' ku mayan katahanan piyakita' ku kaniya in text niya kaku'.

In tagna' namaylu siya bukun aku in piyag-iyan niya ha text! Way aku nagkaiba' sa' tiyagaran ku sin dumatung kami balik pa bay didtu ku siya asubuhun bang mayta' siya nakaiyan bihadtu kaku'!

Nakabaus aku kaniya sin pagtapukan ku siya bang kami nagpapanaw sa' jiyajagahan kura isab siya maulung da isab aku.. Mabuga' aku malawa' siya.

Nakati'mus mayan kami ha NBI minuwi' na kami pa bay, ha lawang pa mabaya' kuna siya gawmutun sampakun amun kakahinang sin kangug pag bahasahun niya..

Ya Rabb panagnaan ku nakapang luray, daying ha kabata'-bata' ku aku in paglurayun pag puhingaun sin panaiban ku...

Hiyawiran kami sin iban namu' applicant nainu-inu bang mayta' aku nagbihadtu!

Piyabassa ku in text niya ha manga iban namu' tagna' namaylu siya sin bukun aku in limut niya, lugay sin lugay wayna siya nakapamung nagtangis na siya, nangayu' kamaapan kaku' asal bihadtu in addat niya manglilimut misan di' mag unu kaniya in tau.

Miyaap ku siya sa' way kuna biyalik in paghayak hayak ku kaniya.

POSTCRIPT: Pangindua ku kan inda' lingkatan yadtu muramurahan napinda na siya. Bukun na siya mangi' addat sabab awn waktu makadugtul siya pa umatu kaniya..Malingkat siya babai sa' mangi' in addat niya.

1 comment:

ahmad said...

way pa karaw ngumiy' palangay in tau yan... misan pa yan siya biya'diin nakalandu' in lingkat bang bihan isab ngiy' in lawm atay niya maraw pa siya way na nagpalingkat...

Makaulung isab hi indah kailu